История

Сут-Хол кожууннун Кара-Чыраа сумузунун тургустунган тоогузу

      Кара-Чыраа сумузу эге баштай тургустунарда кошкун араттардан тургустунган, олар тарамык хуу ажыл-амыдыралдыг чуртттап чорааннар.

    1941 чылдын март 12-де улуг кожууннарны бичеледир, эде организастаар дугайында ТАРН Топ Комитединин №10 (60) дугаар доктаалы унген соонда ,Чоон-Хемчиктен Сут-Хол кожуунну ангылап тургусканы кошкун, быдаргай амыдыралдыг араттарнын бурунгаар хогжулдезинге улуг оскерилгелерни болдурган. Чаа тургустунган кожуун девискээринге ынчангы архив документилери-биле 8 суму турган. Оларга Улуг-Алаак (амгы Ак-Даш сумузу), Бора-Тайга, Кызыл-Тайга, Холчуктуг, Хор-Тайга, Сут-Хол, Алдан-Маадыр, Суг-Аксы суурларны хамаарыштырган.

   Ынчангы уенин чаа агымы, угланыышкыны ада-огбелеривисти дем катчып ажылдаарынче албадапкан.Баштайгы уеде дораан-на тускайлан ажыл-агыйлар болу бербээннер. Эге базым МЧАЭ-лерден эгелээн, оон соонда коллективтиг ажыл-агый болуп катчып эгелээннер.

    1944 чылда «Шагбаан-Терек» МЧАЭ-зи тургустунган, даргазы: Сат Чалзын Дагбаштай, оон улаштыр «Бай-Тал» деп адаан, оон даргазынга Монгуш Былдакпан ажылдаан. Эвилелдешкен ажыл-агыйлар чаа тургустунуп турда, дайын-чаанын берге уелеринде 12-16 харга чедир уруглар ажылчын куш кылдыр санаттынып, улуг улус биле денге ажылдап турганын «Будурулге планнарынын 3-ку пунктузунун 1-ги парагравында дурумчуттунген турган». (ф101, оп.1,д.188).

    «Шагбаан-Терек» МЧАЭ-зинге 64 кижинин:15 эр, 14 херээжен, 12-16 харлыглары 35 кижи, «Бай-Тал» МЧАЭ-зинге шупту 165 кижинин: 39 эр, 40 херээжен, 12-16 харлыг 86 кежигуннер турганын 1944 чылдын МЧАЭ-лер отчедунга айыткан. (ф.101,оп.5,д.41.)

   1947 чылда «Октябрьнын 30 чылы» аттыг колхоз тургустунган. Колхозтун даргазы Монгуш Кара-Очур Совакы оглу турган. Олу еде 30 хире орегелиг колхоз тургустунган. Чоорту 5-6 хире ыяш бажыннар туттунган.

   1948 чылда «Киров» колхозу суурнун устуу талазынга тургустунган.Даргазынга Кыргыс Суванович Комбу томуйлаткан.

   1949 чылда кожуунга машина-трактор станциязы (МТС) тургустунган. 1949 чылдын декабрь 1-де Тываоблкуускомунун шиитпири-биле Евгений Павлович Соловьев Сут-Хол районнун МТС директорунга томуйлаткаш, ур уенин иштинде ону удуртуп келген.

   1952 чылда ийи колхоз каттышкаш «Киров» колхозу кылдыр эде тургустунган. Даргазы: Ооржак Очур-оол Дореевич,Кодээ Совет даргазы Монгуш Даржай Кежегеевич. Тудуг-суур немежип хой санныг бажын-балгаттарны чон тудуп, кудумчулар немешкен.

   Сут-Хол кожууну (ынчан район дээр) дурген хогжулдени ап, сайзырап орда, 1961 чылда хенертен кодээ ажыл-агыйнын чамдык адырларын мооннээр, тускайлаар дээш кожуунну дужурген. Кожуун душкен соонда, оон орнунга хемчээл талазы-биле республикага база бир улуг ажыл-агый болур 6 салбырлыг «Сут-Хол» совхозун тургускан. Ынчангаш «Сут-Хол» совхозтун «Киров» салбыры апарган. Чаш мал толун алыры-биле совхоз республикага багай эвес коргузуглерни чедип ап, малдын бажынын озулдези: шээр мал-104337, бода мал-8337, чылгы мал-4011 баш чедип турган.

Салбыр бурузунге сут-бараан фермалары ажыттынган. Ол чылдарда ажаап алган тараалар ажыл-агыйнын топ шанынын складтарынга сынмайн, чадагай шан кырынга харга бастырып алган кыштаар турган.

1971 чылда ажыл-агыйнын будурулгеге бедик коргузуглуг болганы дээш «Сут-Хол» совхозту «Куш-ажылдын Кызыл Тук ордени» биле шаннаан.

1983 чылда «Сут-Хол» совхозунун баазазынга Суг-Аксы суурну тову кылгаш, кожуунну катап тургусканы чоннун амыдыралынга улуг идиг болган, ол ла чылын «Кара-Чыраа» суур апарган.

1990 чылдарга чедир «Сут-Хол» совхоз хой-хой оскерилгелерни, эде тургузуушкунну эрткен.Ол уеде «Хемчик» аттыг МУП –будурулге кылдыр уенин аайы-биле адаан.Оон даргазынга: Ондар Вячеслав Дажыевич, Ондар Омакмаа Шагдыровна база Лопсан Олег Ондарович ажылдап чорааннар.

1995 чылда Монгуш Иван Шыванович «Сут-Хол» совхозтун директору кылдыр ажылдап эгелээн.

1990-1998ч.ч.суму даргазынга Ондар Аргар-оол Чимит-Доржуевич,

1998-1999ч.ч суму даргазынга Ондар Владимир Сарыг-оолович

1999-2007ч.ч.суму даргазынга Жуков Шолбан Сатович

2007-2009ч.ч.суму даргазынга Монгуш Иван Шыванович

2010-2012ч.ч.суму даргазынга Лопсан Олег Ондарович

2012-2013ч.ч. суму даргазынга Ондар Алдына Геннадьевна

2013-2015ч.ч суму даргазынга Куулар Айгуш Оюн-оолович

2015-2017ч.ч.суму даргазынга Монгуш Кежик-оол Иванович

2017-2018ч.ч. суму даргазынга Ондар Татьяна Дартан-Караевна

2018-2019ч.ч.суму даргазынга Ондар Якир Хурен-оолович

2019ч ноябрь 12-ден суму даргазынга Чонданович Чингис Мергенович ажылдап эгелээн.

Амгы уеде суму баштыны Ыдыш Белек Павлович, социал-политика талазы-биле чагырга даргазынын оралакчызы Ооржак Алина Игорьевна ажылдап турар.